leslie 的部落格
先旨聲明，我對今次睇呢位牙醫的經歷的印象其實非常好 (請看下文)，只是冇諗到要無啦啦剥咗隻牙，所以才起這個標題吧！
話說我左上方的大牙和尾二隻牙，有時食嘢咀嚼的時候會痛，有時連咬一條菜或咬粒珍珠奶茶的珍珠，都感到頗痛，要轉用右邊去咬，弄得有時食嘢都好像不夠暢快，要就住就住，沒有心機。其實這情況已出現了好幾個月，甚至大半年或超過一年 (唔係好記得幾耐) ，只是它偶爾會痛，大部份時間又完全沒有事... 所以一直沒有的起心肝去理會它 (其實都知應該要去 check check)。
呢幾日，隻牙又再痛，和以往不同的是，近來它痛得好像比較頻密了，噚日更加持續地痛，由食早餐痛到食晏，搞到食嘢都冇乜心機！於是我的起心肝，打去早幾日 mark 低咗屋企附近一位牙醫的預約電話，呢位牙醫之前係從我未睇過的，不過聽人講話好似唔錯，所以打去預約試試。由於是屋企附近的牙醫，不是商業區，好好彩可以 book 到噚晚放工即刻去睇。
上星期尾開始，胸前右下方肋骨位突然開始有點痛，若用手模落去尾三四兩條肋骨之間會感覺到很痛... 我嘗試回想自己有冇唔小心撞親該位置，但應該冇，於是諗可能只是姿勢唔好唔小心扭親吧，諗住過一兩日會冇事... 不過過一兩日後情況仍未有改善，仲係痛，我上網搜尋更得知該位置的肋骨下方就是肝... 於是開始擔心起來，決定去看醫生。
醫生趁症時說，由於我用手模落去會痛，而我亦沒有醫生所問的類似肝病的徵狀（如小便深褐色、個人疲累到笑也乏力等），醫生亦說若是肝痛，那種痛應是內裏忍忍作痛，而並非模落去接觸的痛，因此從表面徵狀看來我的痛似是肌肉或神經痛。我問若果是肌肉痛，買果Ｄ外用膏貼得唔得，醫生話其實都可以（我心想，早知我就自己買膏貼啦，唔使睇醫生咁貴嘛）。結果，醫生開了３天消炎止痛藥俾我。
年初重裝給長輩的舊機，最近不能啟動，檢查發現主機板終於壞了，畢竟，此機超過6年，是時候了。由於舊 AMD Athlon XP 2500+ CPU 及 兩條 512MB DDR RAM 仍然良好，而機箱、火牛、硬碟及光碟等仍可用回，本想找回一塊可用回 DDR RAM 的舊世代的主機板，以最經濟環保的方式再將部機重生... 怎知去電腦商場一逛...
12月9日至16日，去了歐洲旅遊8天。今次是參加康泰8天團遊德國、瑞士、及法國三國，無疑時間是比較短，因為一程飛機也要12個小時，來回便少了一天，但由於團費很抵，只需$7399，而且時間及行程亦適合我們，所以便報了。其實我們報名時還有另一個10天團可以成行，但價錢貴接近一倍，而且遊成六七個國家，反而會覺得很趕很走馬看花，況且我們亦沒有咁多假期。
今次旅程先進入德國慕尼克，往富森參觀新天鵝堡，然後往史圖加特，參觀舊皇宮，平治博物館。翌日往參觀狄的斯湖，該處屬於黑森林區，之後往參觀萊欣河瀑布；再落瑞士，住在琉森市中心，那裏很美，有一條很出名的卡貝爾橋及獅子紀念碑；我們亦上了鐵力士雪山，要坐三種不同的吊車才能抵達山頂，該處海拔10000呎，溫度零下14度，但當日天色很好，陽光普照，白雪處處，過了一個白色的Christmas Season。
之後我們進入法國狄桑，在波本一間酒店嚐法國蝸牛餐，明天剛好是另一半的生日，領隊也很有心思為我們準備了生日蛋糕，搞了個小小生日會，原來團中有三位團友生日呢！抵達巴黎市中心，逛了著名的老佛爺百貨，巴黎歌劇院，協和廣場，夜晚漫步在出名的香榭麗舍大道，又參觀了凱旋門。翌日我們去了羅浮宮，黃昏我們更坐觀光船夜遊，看到巴黎的美麗夜色，之後更登上了巴黎鐵塔呢！去到巴黎，少不了當然還要參觀著名的凡賽爾宮啊。。
昨晚2點幾先訓，點知半夜發惡夢，紥醒，仲突然有電話響... 望見時間零晨4點鬆D？邊個會打o黎呢？好驚，唔敢聽... 收線... 點知再打來，聽真，原來係那打素醫院，話嫲嫲佢情況危險... 姑娘話俾佢吸緊純氧，要親人去睇佢同埋做決定... 但call晒所有人都只係找到我... 問我話唔話得事... 又難怪，深宵時份...
即刻起身飛的士入大埔睇佢... 姑娘話要我地決定做唔做創傷性治療，如果未有親人的意思，佢地會繼續用盡方法去救佢，例如按壓或插喉等... 但按壓好可能會按斷佢肋骨插入內臟，而插喉亦可能造成嚴重創傷，嫲嫲佢已80幾歲，老人家好脆弱...
最近參加了一個 「全港Office技能大賽」，是次比賽分學生及公開組，每人要完成一份 Word 及 Excel 的 MOC 試題，以時間最快而又得分最高者為優勝。
初賽已於11月7日舉行，時間是早上10:00 - 12:00，參賽者要在限時2小時內完成試題，每組會選出最 top 的 20 位進入決賽。
我當日未及食早餐便去參賽，用了大約1小時時間完成，然後11點多才去補食早餐。今日收到 email 通知，話我入選了公開組的決賽，開心! 11月28日將會進行決賽，屆時會選出每組當中最快又最高分的一位為得獎者。
高鐡造價不菲，每個港人平均負擔近萬元，最嚴重的是，其規劃貫穿新界，經米烳地底、新田、牛潭尾、大江埔、石崗、八鄉、及大欖/林村/大帽山/城門等郊野公園！整個新界將會像被破開肚皮，變得千瘡百孔，最後的後花園也盡毀！
然而它郤只得一個西九站服務有錢人，來回票價$800！快來齊齊反對，２００９年６月３０日載止，刻不容緩！
http://www.inmediahk.net/node/1003514